Die Nasionale Departement van Gesondheid het aan die Onafhanklike Ontwikkelingstrust aangedui dat dit nie meer wil voortgaan met die omstrede projek om suurstofaanlegte by amper 60 regeringshospitale te installeer nie.

Daily Maverick en amaBhungane het vroeër onthul dat die grootste deel van die byna R840 miljoen aan ’n “spookmaatskappy,” Bulkeng (Edms.) Bpk., sou gaan. Hierdie maatskappy het glo vervalste tenderdokumente ingedien om die R428 miljoen kontrak te verkry, sonder die nodige akkreditasie. Die Onafhanklike Ontwikkelingstrust se raad van trustees het aangekondig dat die Nasionale Departement van Gesondheid sy voorneme uitgespreek het om die kontrak te kanselleer Die Valke ondersoek reeds die bewerings, en die Onafhanklike Ontwikkelingstrust het sy volle samewerking belowe.