TENNIS: Dag 1 van Wimbledon 2024 het vir heelwat opwinding gesorg met van die topgekeurdes wat deur is na die 2^de ronde.

In die vroue afdeling het die 2^de gekeurde Coco Gauff min moeite ondervind teen Caroline Dolehide en met 6 – 1 en 6 – 2 deurgeseil terwyl Naomi Osaka, ‘n 4-malige Grand Slam  kampioen wat vir die 1^ste keer in 5 jaar weer op Wimbledon speel  harder moes werk om Diane Parry in 3 stelle te kon troef.

Die 1^ste gekeurde Jannik Sinner het wel 4 stelle benodig teen Yannick Hanfmann maar uiteindelik met  6 – 3 , 6 – 4 , 3 – 6 en 6 – 3 die oorwinning beklink terwyl die verdedigende kampioen en 3^de gekeurde Carlos Alcaraz in 3 skoon stelle teen Estland se Mark Lajal kon seëvier.

*Die Suid-Afrikaner Lloyd Harris is ook deur na die volgende ronde na ’n marathon stryd van 5 stelle teen die Amerikaner Alex Michelsen. Harris het ’n agterstand van 2 stelle uitgewis en diè spannende wedstryd in die laaste valbylstel met ’n telling van 11 – 9 gewen.