Novak Djokovic het sy voormalige mededinger, Andy Murray, as sy afrigter ter voorbereiding vir die 2025 Australiese Ope betrek, waar Djokovic sal poog om sy rekordbrekende 25ste Grand Slam-titel te verseker.

Murray, ‘n driemalige Grand Slam-kampioen, het vroeër vanjaar op 37 uitgetree nadat hy met beserings, wat die laaste deel van sy loopbaan geteister het, gesukkel het.

Djokovic het die verrassende vennootskap bekend gemaak en hul gedeelde geskiedenis en begrip van die spel as sleutelfaktore in sy besluit genoem.

Die samewerking sal oor die buiteseisoen strek in aanloop tot die eerste groot toernooi van die jaar.