TENNIS – Novak Djokovic se aanslag op sy 10^de Australiese Ope titel is goed op dreef nadat hy Alex de Minaur in 3 skoon stelle uitgeskakel het. Die telling was 6 – 2 , 6 – 1 en 6 – 2.  Dit was ook Djokovic se 38^ste oorwinning op Australiese bodem waar hy laas in 2018 in die 4^de ronde toe uitgeskakel was.  

Die 5^de gekeurde Andrey Rublev was ook in ’n marathon wedstryd teen Holger Rune in aksie wat heeltyd wipplank gery het totdat Rublev in die valbylstel met ’n telling van 11 – 9 kon seëvier.

In die dames afdeling is die 4^de gekeurde Caroline Garcia ook huistoe gestuur nadat Magda Linette haar in 2 stelle uitgeknikker het terwyl die nommer 5 Aryna Sabalenka haar titel aanslag lewendig gehou het toe sy ook Belinda Bencic in die 4^de ronde gestuit het. Die telling was 7 – 5 en 6 – 2.