TENNIS – Die wêreld se nommer 1 speler is terug en slaggereed om sake weer op koers te kry wanneer hy diè week in Dubai in aksie is.

Novak Djokovic was  – sedert hy die 1^ste Grand Slam van 2023 in Januarie gewen het –  nie weer terug op die baan gewees  nie. Die 35-jarige Serwiër se deelname aan die Dubai-kampioenskap was ook tot ’n paar dae gelede nog in die weegskaal gewees maar het die nodige fiksheidstoetse geslaag om sy teenwoordigheid te bevestig.

Djokovic is ook vir die 378^ste keer hierdiè week bo-aan die wêreldranglys waar hy ook nou die legendariese Steffi Graf se rekord gebreek het.

Djokovic kom in sy 1^ste ronde wedstryd teen die Tsjeg Tomas Machac te staan.