TENNIS: Iga Swiatek het die Italiaanse Ope in Rome gewen nadat sy Aryna Sabalenka met 6 – 2 en 6 – 3 uit die pad gevee het in die eindstryd vir haar derde Foro Italico – titel.

Swiatek, die wêreld se nommer-een-speler, het gemaklik klaargespeel met die tweede-gekeurde Sabalenka in die laaste groot toernooi voor sy haar Franse Ope-titel verdedig.

Sy het voor ‘n volgepakte hoofbaanskare haar 12^de agtereenvolgende wedstryd op klei ingepalm en die eerste vrou sedert Serena Williams in 2013 geword om Madrid én Rome in dieselfde seisoen te wen.

*In die mans afdeling het die 3^de gekeurde Alexander Zverev met die titel weggestap nadat hy die 21^ste Nicolas Jarry in 2 skoon stelle kon troef.  Die telling was 6 – 4 en 7 – 5.