Transnet beoog om teen Desember ‘n tender uit te reik vir sy geveg teen misdaad. BusinessLive berig die tender vir hul spoor en hawens maatskappy is vir die verkryging van ammunisie, insluitend handwapens en langafstand wapens. Marius Bennett, algemene bestuurder van veiligheid en sekuriteit by Transnet, het gesê sekuriteitspersoneel word nou opgelei om voor te berei vir die tender. Sekuriteits verwante voorvalle het Transnet R3,7 Miljard gekos gedurende die 2022/2023 finansiële jaar. Die tenderproses moet teen die einde van Maart 2024 afgehandel wees, het Bennet gesê. Transnet maak gebruik van interne en eksterne sekuriteitspersoneel om 30-duisend-400 km se spoorlyne te patroleer. Transnet se sekuriteitspersoneel is in 2022 vredesbeampte-status toegeken deur die minister van Justisie, minister Ronald Lamola. Dié stap kom te midde van ‘n 179% styging in die diefstal van brandstof, kabeldiefstal en vandalisme van sy infrastruktuur die afgelope vyf-jaar.