Die Amerikaanse president, Donald Trump, sê hy gaan finansiering vir Suid-Afrika afsny.

Dit, aangesien sekere klasse Suid-Afrikaners, volgens hom, baie sleg behandel word en die saak ondersoek moet word.

Reuters berig Trump het op sosialemedia gesê die Verenigde State sal nie daarvoor staan ​​nie, en dat hulle sal optree.

Volgens Newskoop volg Trump se waarskuwing nadat president Cyril Ramaphosa die omstrede Onteieningwet onderteken het.

Hulle voeg by Amerika het hulle tot byna $440 miljoen se hulpverlening, verlede jaar, aan Suid-Afrika verbind.

Reuters berig verder dat Ramaphosa verlede maand gesê het hy is nie bekommerd oor Suid-Afrika se verhouding met Trump nie, en dat hy daarna uitsien om saam met sy administrasie te werk.