Oudpres Donald Trump het ‘n klinkende oorwinning in die Republikeinse voorverkiesing in Suid-Carolina behaal. Daarmee het Trump sy opmars as Republikeinse benoeming en ‘n herontmoeting met pres Joe Biden in November ‘n hupstoot gegee.

Reuters berig Trump het sy mededinger, Nikki Haley, in haar tuisstaat met 20 persentasiepunte uitgestof. Trump het hiermee die eerste reeks van vier groot benoemingstryde afgehandel en ‘n jaar se sterk vertonings in peilings in ‘n waarskynlike onaantasbare voorsprong omskep. Hy gaan nou die Super Dinsdag-stemme binne waaraan 15 deelstate binne 10 dae deelneem.