‘n Tweede verdagte is in hegtenis geneem in verband met verlede week se voorval by die Wynbergse landdroshof in Kaapstad waarin ‘n 50-jarige man in die hofgebou doodgeskiet is.

Die slagoffer was ‘n beskuldigde in ‘n strafsaak. Dié naweek is ‘n 35-jarige vrou in verband met die voorval in hegtenis geneem.

Sy het Maandag in die hof verskyn, en sal volgende Woensdag om borgtog aansoek doen.

SABC-nuus berig daar word vermoed dat die vrou met bendelede saamgespan het om die slagoffer te vermoor. Die polisie het bevestig dat ‘n tweede verdagte deur die polisie ondervra word.