Suid-Afrika begin binnekort met ’n verhandelde elektrisiteitsmark wat verbruikers meer keuse en mededingende pryse sal bied.

Volgens Rand Merchant Bank se hoof van infrastruktuursektoroplossings, Judy Koos,  is dit ’n groot stap ná jare se beurtkrag en Eskom se monopolie.

BusinessTech berig dat die energiereguleerder al tien handelaars gelisensieer het, insluitend Eskom se eie transmissie-eenheid.

Verbruikers sal dan hul eie elektrisiteitsverskaffer kan kies. Elektrisiteitspryse het sedert 2008 agtvoudig gestyg, maar die nuwe mark kan glo koste verlaag.

Die regering beplan ook om meer as 14 000 km transmissielyne te bou teen ’n koste van R440 miljard.

Kobus verduidelik verder tydens ’n onlangse onderhoud in Johannesburg dat hulle beoog om in die netwerk te belê en internasionale kundigheid aan boord te lok.

Die bank kyk ook na beleggings in spoorvervoer en ander infrastruktuurprojekte om ekonomiese groei te bevorder.