Die Sentrum vir Risiko-analise sê dit het verwag dat opposisiepartye meer aandag aan die land se misdaadprobleem in hul verkiesingsveldtogte sal gee. Volgens die sentrum is die moontlikheid van sosiale onrus en verhoogde kriminele aktiwiteite altyd teenwoordig.

Dit is weens Suid-Afrika se hoë vlakke van armoede, kwynende staatsdienste en ‘n swak vooruitsig vir beter lewenstandaarde in ‘n lae-groei omgewing. Die sentrum sê kriminele aktiwiteite verminder die land se bruto binnelandse produk jaarliks ​​met 40-miljard dollar. Dit het bygevoeg dat dit verbasend is dat opposisiepartye nie daarin geslaag het om hierdie probleem uit te lig nie.