Vier mense wat in verband met die verdwyning van Joslin Smith in hegtenis geneem is, insluitend haar ma, Kelly Smith en Jacquen Appollis, het vandag in die Vreedenburg-landdroshof verskyn.

Steveno van Rhyn en die vermeende sangoma, Phumza Sigaqa, het hulle in die beskuldigdebank aangesluit.

IOL berig aanklagte teen die vier sluit in mensehandel en ontvoering. Hulle is amptelik aangekla en al vier het om regshulp aansoek gedoen.

Die saak is tot 13 Maart uitgestel vir inligting oor borgtog.