Vier mense is in hegtenis geneem by ‘n multi-miljoenrandse dwelmlaboratorium wat op ‘n plaas by Groblersdal in Limpopo afgekom is. Die Valke sê twee buitelandse burgers is onder die verdagtes.

SABC-nuus berig vier jaar gelede het die polisie ook toegeslaan op ‘n dwelmlaboratorium in die provinsie. Dit was by Marble Hall, sowat 28 kilometer vanaf Groblersdal. Die polisie het destyds gesê dit was een van die grootste laboratoriums waar metamfetamien – oftewel tik – vervaardig is.