Voormalige uitvoerende hoof van Transnet, Herbert Msagala, het in die Johannesburgse Gespesialiseerde Handelsmisdaadhof in Gauteng verskyn.
Die hof het Msagala borgtog van R60 000 toegestaan ná sy aanklagte van korrupsie, diefstal, geldwassery en bedrog.
Msagala se saak spruit uit 2015 toe hy vyf kontrakte ter waarde van R160-miljoen aan IGS Consulting Engineering toegeken het.
Die Nasionale Vervolgingsgesag se woordvoerder, Phindi Mjonondwane, sê die saak is tot 19 November uitgestel ná pogings om twee bykomende verdagtes wat by die saak betrokke is, op te spoor en in hegtenis te neem.
