Vrystaat Landbou (VL), ’n vrywillige lidmaatskaporganisasie vir kommersiële boere in die provinsie, het ’n naspeurbaarheidstelsel genaamd Diere-identiteit, Beweging en Veiligheid – wat tegnologie gebruik om vee te monitor en op te spoor.

En, hulle werk deur hierdie stelsel saam met die polisie om veediefstal te beveg. Volgens The Citizen is dit een van die voorstelle wat die departement van landbou gemaak het vir die bevordering van onder meer landelike veiligheid en die bekamping van veediefstal.

VL se ondersoekerskoördineerder, Peet Swanepoel, sê hulle werk saam met die polisie, waar opgeleide ondersoekers sake by die Suid-Afrikaanse Polisiediens se veediefstaleenheid en bedreigde spesie-eenheid rapporteer. Hy sê dit verleen hulp aan die eenhede, aangesien hulle dikwels met hulpbronne soos voertuie en mannekrag sukkel.