Vyf verdagtes is in hegtenis geneem ná die verdwyning van die joernalis Aserie Ndlovu en sy lewensmaat, Zodwa Mdluli.

Volgens die Nasionale Polisiekommissaris, Fannie Masemola, het een van die verdagtes, Samuel Mogongwe, die polisie mislei deur voor te gee hy help met die ondersoek.

SowetanLIVE berig Mogongwe was glo die laaste persoon wat hulle gesien het.

Hy is nou ’n verdagte.

Die polisie het verskeie huishoudelike items teruggevind wat glo uit die paartjie se huis gesteel is.

Die aanklagte sluit onder meer ontvoering, huisroof en dwelmbesit in.

Ndlovu se ma het gesê sy glo die polisie sal die saak oplos.

Die ondersoek duur voort.