Die Nasionale Tesourie het Woensdag in die Staatskoerant bekend gemaak dat die Werkfonds weer geld beskikbaar stel om werk te help skep.

Die geld is vir projekte in die groen en informele ekonomie, soos hernubare energie, straatverkope en herstelwerk.

Volgens die plasing het vorige befondsing al R7.4 miljard aan projekte gegee en duisende werksgeleenthede en klein besighede geskep.

Aansoeke sluit op 5 Junie om drie-uur die middag, en minstens R5 miljoen kan gevra word.

Jy moet ook geld bydra of saam met ander werk.

Alle aansoeke moet aanlyn gedoen word.

Die Werkfonds sê hulle wil planne hê wat werklik werk skep en blywend is.