Die Hoogste Hof van Appèl het Nandipha Magudumana se aansoek om haar inhegtenisname onwettig te laat verklaar, van die hand gewys.

SABC News berig sy het, op Vrydag 16 Mei, by die hof aangevoer haar terugkeer uit Tanzanië was ’n vermomde uitlewering.

Rosestad-nuus het vroeër berig sy en Thabo Bester is in April 2023 van Tanzanië na Suid-Afrika teruggebring, nadat Magudumana glo vir Bester gehelp het om uit die tronk te ontsnap.

Die hof het egter bevind sy het ingestem om terug te keer.

Magudumana is die hoofbeskuldigde in Thabo Bester se ontsnapping uit die Mangaung-gevangenis in 2022.

Die Nasionale Vervolgingsgesag het die uitspraak verwelkom en gesê daar was geen onbehoorlike optrede van hul kant nie. Magudumana word aangehou, terwyl haar saak steeds voortsleep.