Die eindrondes van die Diamantliga-reeks word Donderdag in Zürich beslis waar uitstaan vertonings van Jo-Ané van Dyk in spiesgooi en Prudence Sekgodiso in die 400 m verwag word.
Van Dyk het onlangs ‘n 58.89 m gegooi al was dit nog sowat vyf meter kort van haar persoonlike beste.
Sekgodiso het egter op ‘n nat baan teruggesak en sesde geëindig met ‘n tyd van 01:58.76.
Ander Suid-Afrikaners wat in aksie gaan wees is die naelloop-ster Akani Simbine wat vir die 100m-eindstryd gaan aantree met sy landgenote Bayanda Walaza en Shaun Maswanganyi wat ook in die blokke gaan sak.
Walaza en Maswanganyi het nie genoeg punte ingesamel om regstreeks te kwalifiseer nie maar weens verskeie onttrekkings het dié duo by die sydeur ingeglip.
Simbine, Walaza en Maswanganyi sal saam met die Amerikaners Christian Coleman, Trayvon Bromell en Brandon Hicklin sowel die Brit Jeremiah Azu en Ackeem Blake van Jamaika hul fokus op die goue medalje hê.
Na afloop van die Diamantliga-reeks sal die nasionale span na die Wêreldkampioenskap in Tokio vertrek wat plaasvind vanaf die 13de tot die 21ste September.
