Die veroordeelde moordenaar en verkragter, Thabo Bester, is op pad hof toe om dringend ‘n Netflix-dokumentêr oor hom en sy medepligtige, Nandipha Magudumana, te verbied.

Die dokumentêr, getiteld Beauty and the Bester, sal op 12 September op die stroomplatform uitgesaai word.

Maar volgens Eyewitness News het Bester se prokureurs ‘n verklaring uitgereik wat bevestig dat hulle opdrag gegee is om ‘n dringende aansoek in die hooggeregshof in te dien.

Bester, wat uit die Mangaung-korrektiewe sentrum ontsnap het, se prokureur dring daarop aan dat die produksie ernstige, ongegronde en lasterlike voorleggings teen hom maak, en hulle betwis ook die akkuraatheid, billikheid en wettigheid van die dokumentêr inhoud.