Die Oorlogsmuseum van die Boererepublieke in Bloemfontein is nou amptelik een van die drie beste museums in Suid-Afrika. Dit nadat die museum die naweek deur die nasionale departement van sport, kuns en kultuur vereer is.

Volksblad berig die pryse is op ’n gala-geleentheid die naweek in die Sun City Super Bowl toegeken.

Die museum se direkteur, Tokkie Pretorius, sê dit is ’n bewys dat skoon oudits, uitsonderlike uitstallings en geleenthede vir die publiek, konferensies en uitreikaksies na skole en die publiek vrugte afwerp.

Die pyn en lyding van alle gemeenskappe in die Anglo-Boereoorlog van 1899 tot 1902 word ook hier erken.