Die Internasionale Kriminele Polisie-organisasie (Interpol) sê kubermisdaad is een van die grootste groeiende bedreigings in Afrika.

Die 27ste Interpol Afrika-streekkonferensie is tans aan die gang in Kaapstad in die Wes-Kaap.

Tydens die driedaagse konferensie sal verskeie polisieleiers van regoor die wêreld strategieë bespreek om georganiseerde misdaad in die streek aan te pak.

Volgens die organisasie vind wetstoepassingsowerhede dit toenemend moeiliker om kubermisdaad te ondersoek. Interpol se sekretaris-generaal sê behalwe vir kubermisdaad is wapen- en dwelmsmokkelary ook groot probleme in Suid-Afrika.