Die plaaslike regeringsverkiesings sal enige tyd tussen 2 November volgende jaar en 31 Januarie 2027 plaasvind.

Die Onafhanklike Verkiesingskommissie (OVK) se hoofverkiesingsbeampte, Sy Mamabolo, het die aankondiging Dinsdag tydens ‘n inligtingsessie gemaak.

Mamabolo sê konsultasies tussen die minister van Samewerkende Regering en Tradisionele Sake en die OVK het begin, maar moet nog afgehandel word.

Hy het bygevoeg dat die wet bepaal dat die termyn van ‘n munisipale raad vyf jaar is en dat verkiesings nie later nie as 90 dae na die einde van die termyn gehou moet word.

Die huidige munisipale rade is op 1 November 2021 verkies.