Private voorsieners van studentebehuising het NSFAS gekritiseer omdat dit akkommodasiefooie direk aan studente betaal het, in plaas van aan die verhuurders.

Die hoof uitvoerende bestuurder van die Private Studentebehuisingsvereniging, Kagisho Mamabolo, sê terwyl baie studente verantwoordelik sal optree, kan ander dié geld op verstaanbare goed soos kos, vervoer of ander behoeftes spandeer, wat hulle vir uitsetting kwesbaar maak.

News24 berig die Motheo TVET College in Bloemfontein het in Maart vanjaar studente ook ingelig dat weens ‘n NSFAS-fout die behuisingsgeld aan die studente in plaas van die verhuurders betaal is.

NSFAS-woordvoerder Ishmael Mnisi sê in gevalle waar eise nie ingedien is nie of nie die studente-verifikasieproses geslaag het nie, kan studente behuisingstoelae direk ontvang sodat hulle nie uitgesit word nie.