Liverpool se nuwe tienerster die 16-jarige Rio Ngumoha het danksy ‘n verstommende wenner in die 100ste minuut ’n briljante 3 – 2 oorwinning verseël oor Newcastle United by St James Park in die Engelse Premier Liga.
Doele deur die Reds se Ryan Gravenberch en Hugo Ekitike het die besoekers die voortou laat neem waarna die Magpies se Bruno Guimarães se doel in die 57ste minuut en William Osula se gelykmaker in die 88ste die tuisskare op hul voete gehad het.
Dit was egter Ngumoha se doel wat die kollig gesteel het en hom die tweede jongste speler gemaak om ‘n Premierliga-wenner aan te teken net ‘n dag ouer as Wayne Rooney toe hy in 2002 die geskiedenis boeke herskryf het.
Liverpool is na twee liga-wedstryde derde op die punteleer terwyl Newcastle nog segeloos is en aan die 15de plek vasklou.
