Nadat die omstrede Russiese speler Daniil Medvedev uit die eerste ronde van die Amerikaanse Ope deur Benjamin Bonzi geskakel is gepaardgaande met nog ‘n woede uitbarsting dui berigte daarop dat hy ‘n stywe boete in die gesig staar.

Medvedev het met die skeidsregter Greg Allensworth in ‘n konfrontasie betrokke geraak nadat ‘n kameraman die spel ontwrig het, sy teenstander met onwelvoeglike gebare gespot en sy raket na die nederlaag in flarde geslaan het.

Medvedev kan moontlik  ‘n boete van tot $150 000 vir onsportiewe gedrag, raketmisbruik en skeidsregterskritiek opgelê word.

Intussen sal Suid-Afrika se hoop gevestig wees op Lloyd Harris wat Woensdagaand om 19:00 (SA Tyd) teen die vierde gekeurde en plaaslike gunsteling Taylor Fritz te staan sal kom.